Алғашқы қоңырау мерекесі

МЕКТЕБІМ-МЕЙІРІМДІЛІК МЕКЕНІ

И.Панфилов атындағы №33 жалпы орта мектебі коммуналдық мемлекеттік мекемесінде
2023-2024 оқу жылының 1 қыркүйек-Білім күніне арналған «Мектебім-мейірімділік мекені» атты салтанатты жиын болып өтті.
Салтанатты шарада мектеп директоры Маханбетова Гүлайым Тасболатқызы барлық ұстаздар қауымын және мектеп табалдырығын алғаш аттаған 1 сынып оқушыларын
1 қыркүйек- Білім күнімен, дәстүрлі жаңа оқу жылының басталу салтанатымен құттықтап, жаңа оқу жылына сәттілік тіледі. Сонымен қатар арнайы салтанатты жиынның қонақтарына Бірлік а/о әкімі Кенжеев Сәкен, аға леитенант Бөрібеков Болат, Бірлік а/о ардагерлер кеңесінің төрағасы Орынбеков Нұржан, Табысты ауылының биі Балтақараев Қалмомын,
ата-аналар комитетінің төрағасы Асанов Бекжігіт, қамқоршылық кеңестің төрағасы Шынтаев Ақжігіт мырзаларға құттықтау сөз берілді. Мектеп табалдырығын тұңғыш аттаған, жаңа өмірге қадам жасаған жас бүлдіршіндер үшін ерекше күн болды. Балғын балалықпен қош айтысып, мектеп табалдырығын имене аттаған жас бүлдіршіндер салтанатты жиын барысында ән айтып, өлең шумақтарын тарту етті. Мерекелік жиын мектеп оқушыларының концерттік бағдарламасымен жалғасын тауып, жаңа оқу жылының алғашқы қоңырауы соғылды. Салтанатты жиынның соңы бірыңғай «Мектебім-мейірімділік мекені» тақырыбында республикалық сынып сағаттарына ұласты.