"Құрмет" орденінің иегері Бөрі Исаұлымен мектеп оқушыларының кездесуі.

Түркістан облысы Мақтаарал ауданының білім бөліміне қарасты "И.Панфилов атындағы N33 жалпы білім беретін мектеп" коммуналдық мемлекеттік мекемесінде 14.01.2025 күні күйші-композитор, Мақтаарал ауданының Құрметті азаматы, аты аңызға айналған жерлесіміз Бөрі Исаұлымен кездесу өтті. Елу жылдан астам өмірін өнерге арнаған  дарын иесінің шығармаларын мектеп ұжымы мен оқушылар сүйсіне тыңдады. "Құрмет" орденінің иегері, "Сырдария" университетінің доценті, профессор, 10-нан аса кітаптың авторы,  Мырзашөлдің мақтанышы болған,  талай шәкіртінің бағын ашқан күйші ұстаз бүгінгі кездесуде өзінің өмірбаяны мен еңбек жолы туралы сыр ақтарды. 
   "Бірлік" ауылдық округіне қарасты Алғабас мәдениет үйінің меңгерушісі Байменов Әлішер Бөрі ағайға Мақтаарал ауданының мәдениет бөлімінің басшысының Алғыс хатын құрметпен тапсырды.Мектеп директоры Гүлайым Маханбетова Бөрі Исаұлына мектеп ұжымы атынан сый-сияпат көрсетіп, алғысын айтты.Ұлағатты ұстаз, бүгінгі зейнеткер  Орынбеков Нұржан ағамыз да өнер иесіне деген ыстық лебізін білдірді.